كلام في الحب وتحدي

السلام عليكم ورحمة الله وبركاته

ازيكم يا احلى شباب يارب تكونوا كلكوا بخير وبتقضوا اجازة سعيده

انا النهارده جي بطرح عليكوا التوبك ده كمجال للحوار عن الحب ومشاكله وقضاياه

مع كامل احترامي لجميع الاعضاء والمشرفين اللي بينزلوا مواضيع على القسم الا انه جات فترة كانت كل المواضيع اللي بتنزل عن القسم عبارة عن كلمات رقيقه , قصيده حب حلوة , يعني كان تقريبا بقى في ملل من

جميع الاعضاء عند قرائتهم للمواضيع اللي بتنزل مع كامل احترامي ليها كلها وانا اولهم كنت بنزل مواضيع كده بس بقينا حاسين ان احنا مبنعملش حاجه جديده .

النهارده كمحاولة مني لكسر حاجز الملل ده هنجرب نتكلم كلنا عن الحب

هنطرح مشكلة من مشاكل الحب أو قضيه من قضاياه وكل عضو او مشرف يدخل ويقول رأيه فيها كباب للنقاش

فكرة جديده مش هتنجح الا بمشاركتكم ومجهودكم وان كل واحد يعبر عن اللي في قلبه تجاه الموضوع اللي بنتكلم فيه

المواضيع هغيرها كل تلات ايام او اكتر على حسب مشاركة الاعضاء فيها وقبل ما نغير كل موضوع ياريت كل واحد كتب رأي يشوف اراء غيره ويحاول يكتب رأي عام للفكرة الصح او الامثل لتجنب المشكله دي

او تلافيها

ممكن الحكايه تساعد الكتير مننا اللي بيعانوا من مشاكل في حبهم وعلاقتهم

لو الفكرة عاجباكوا هستنى مشاركتكم ومجهودكم

ولو اي حد عاوز يضيف رأيه عليها او يغيرحاجه في طريقة النقاش يتفضل يقولي رأيه وهرحب بيه جدا اذا كان هيساعد على ان الفكرة تكبر وتكون احسن وافضل ونقدر بيها نقدم حاجه افضل للمنتدى

واسمحولي اني اطرح عليكوا اول سؤأل في كلام في الحب

وهو سؤال بسيط جدا بس اجبته تكاد تكون صعبه جدا في بعض الحالات

ما هو الحب ؟

مستني اجبتكوا ومشاركتكم ويارب تكون الفكرة عاجبتكم